hamare sabr ka ek imtihan baqi hai

hamāre sabr kā ik imtihān baaqī hai

isī liye to abhī tak ye jaan baaqī hai

vo nafratoñ kī imārat bhī gir ga.ī dekho

mohabbatoñ kā ye kachchā makān baaqī hai

mirā usuul hai ġhazloñ meñ sach bayāñ karnā

maiñ mar gayā to mirā ḳhāndān baaqī hai

maiñ chāñd par huuñ magar mutma.in nahīñ huuñ maiñ

mire paroñ meñ abhī bhī uḌaan baaqī hai

miTā do jism se merī nishāniyāñ lekin

tumhārī ruuh pe merā nishān baaqī hai

tumheñ to sach ko ugalne kī thī baḌī aadat

tumhāre muñh meñ abhī tak zabān baaqī hai

hamārī maut ko barsoñ guzar ga.e lekin

badan kā ḳhaak se ab tak milān baaqī hai

hamare sabr ka ek imtihan baqi hai

isi liye to abhi tak ye jaan baqi hai

wo nafraton ki imarat bhi gir gai dekho

mohabbaton ka ye kachcha makan baqi hai

mera usul hai ghazlon mein sach bayan karna

main mar gaya to mera KHandan baqi hai

main chand par hun magar mutmain nahin hun main

mere paron mein abhi bhi uDan baqi hai

miTa do jism se meri nishaniyan lekin

tumhaari ruh pe mera nishan baqi hai

tumhein to sach ko ugalne ki thi baDi aadat

tumhaare munh mein abhi tak zaban baqi hai

hamari maut ko barson guzar gae lekin

badan ka KHak se ab tak milan baqi hai