hamare shahr mein ghar is liye sunsan rahte hain

hamāre shahr meñ ghar is liye sunsān rahte haiñ

ki ghar ghar ḳhauf se sahme hue insān rahte haiñ

agar tum ishq kī masjid meñ jaanā Thaan hī baiThe

to bar-ḳhurdār sīkho us ke kyā arkān rahte haiñ

mujhe mālik mire bachchoñ ke har ġham se bachā lenā

lab-e-dil par vahī ban kar mire muskān rahte haiñ

mujhe koī dikhā kar ḳhvāb meñ merā nagar bolā

yahāñ lā-haul vird-e-ḳhās rakh shaitān rahte haiñ

mohabbat vo muqaddas chiiz hai sun ai dil-e-nādāñ

vo mil jaa.e to rāhat ke baḌe imkān rahte haiñ

vahī dil mo'atabar muftī hai ahl-e-dīñ kī duniyā meñ

ki jis meñ ai zamāne muttaqī armān rahte haiñ

mirī bastī pe hargiz qahr barpā ho nahīñ saktā

mirī bastī meñ ghar ghar sāhib-e-īmān rahte haiñ

miyāñ shohrat bhī aksar aadmī pe zulm Dhātī hai

vahī achchhe haiñ duniyā meñ jo kam pahchān rahte haiñ

yahāñ har baat āñkhoñ ke ishāre se karo 'tāhir'

lage dīvār se har vaqt kitne kaan rahte haiñ

hamare shahr mein ghar is liye sunsan rahte hain

ki ghar ghar KHauf se sahme hue insan rahte hain

agar tum ishq ki masjid mein jaana Than hi baiThe

to bar-KHurdar sikho us ke kya arkan rahte hain

mujhe malik mere bachchon ke har gham se bacha lena

lab-e-dil par wahi ban kar mere muskan rahte hain

mujhe koi dikha kar KHwab mein mera nagar bola

yahan la-haul wird-e-KHas rakh shaitan rahte hain

mohabbat wo muqaddas chiz hai sun ai dil-e-nadan

wo mil jae to rahat ke baDe imkan rahte hain

wahi dil mo'atabar mufti hai ahl-e-din ki duniya mein

ki jis mein ai zamane muttaqi arman rahte hain

meri basti pe hargiz qahr barpa ho nahin sakta

meri basti mein ghar ghar sahib-e-iman rahte hain

miyan shohrat bhi aksar aadmi pe zulm Dhati hai

wahi achchhe hain duniya mein jo kam pahchan rahte hain

yahan har baat aankhon ke ishaare se karo 'tahir'

lage diwar se har waqt kitne kan rahte hain