hamare waste raste kahan dua ke the

hamāre vāste raste kahāñ duā ke the

hazār ziine bas apne nuqūsh-e-pā ke the

sharar thā aah thī zarra thā aur qatra thā

ka.ī nishāñ mirī TuuTī huī anā ke the

jise samajhte the sab ittihād mel-milāp

yahī lagā ki ishāre vo haañ meñ nā ke the

dalālī kaisī balā thī ḳhudāyā kaise kahūñ

hamārī manzileñ aur raste rahnumā ke the

samajh meñ aa gayā jaldī hayāt-o-marg kā raaz

ki ibtidā hī meñ āsār intihā ke the

ḳhayāl aaya vahīñ āñkheñ muuñd luuñ apnī

jahāñ se rāste phir aage chashm-e-vā ke the

hamare waste raste kahan dua ke the

hazar zine bas apne nuqush-e-pa ke the

sharar tha aah thi zarra tha aur qatra tha

kai nishan meri TuTi hui ana ke the

jise samajhte the sab ittihad mel-milap

yahi laga ki ishaare wo han mein na ke the

dalali kaisi bala thi KHudaya kaise kahun

hamari manzilen aur raste rahnuma ke the

samajh mein aa gaya jaldi hayat-o-marg ka raaz

ki ibtida hi mein aasar intiha ke the

KHayal aaya wahin aankhen mund lun apni

jahan se raste phir aage chashm-e-wa ke the