hamari aankhon ke aage mahfil mein daur-e-jam-o-subu chale hain

hamārī āñkhoñ ke aage mahfil meñ daur-e-jām-o-subū chale haiñ

bas ek ham haiñ ki terī mahfil se pī ke apnā lahū chale haiñ

rahe salāmat chaman tumhārā rahe chaman meñ bahār qaa.em

ham apnī barbādiyoñ ke sadqe miTā ke har aarzū chale haiñ

ḳhatā to dānista kuchh nahīñ kī magar hai ehsās-e-jurm itnā

ki ālam-e-be-ḳhudī meñ shāyad nazar se chilman ko chhū chale haiñ

guzar rahā thā udhar se dekhā likhā thā ye 'nūr' kī lahad par

maqām-e-ibrat hai bas yahīñ tak fareb-e-sad-rang-o-bū chale haiñ

hamari aankhon ke aage mahfil mein daur-e-jam-o-subu chale hain

bas ek hum hain ki teri mahfil se pi ke apna lahu chale hain

rahe salamat chaman tumhaara rahe chaman mein bahaar qaem

hum apni barbaadiyon ke sadqe miTa ke har aarzu chale hain

KHata to danista kuchh nahin ki magar hai ehsas-e-jurm itna

ki aalam-e-be-KHudi mein shayad nazar se chilman ko chhu chale hain

guzar raha tha udhar se dekha likha tha ye 'nur' ki lahad par

maqam-e-ibrat hai bas yahin tak fareb-e-sad-rang-o-bu chale hain