hamari bebasi dekhi nahin hai

hamārī bebasī dekhī nahīñ hai

huī muddat ki ham ne pī nahīñ hai

bhale hī āsmāñ hai rāhbar tū

ḳhudā ke sāmne kuchh bhī nahīñ hai

jahāñ ne chāñd taare chhū liye haiñ

pahelī ziist kī samjhī nahīñ hai

satāyā is qadar ham ko jahāñ ne

kisī kī baat ab chubhtī nahīñ hai

uThā luuñ sang hāthoñ meñ kahīñ nā

zabāñ ḳhāmosh hai par sī nahīñ hai

mirā 'aib-o-hunar kuchh bhī samajh lo

zarā bhī lahze meñ talḳhī nahīñ hai

vo kahte dil lagāo par 'dharam' ne

abhī to zindagī dekhī nahīñ hai

hamari bebasi dekhi nahin hai

hui muddat ki hum ne pi nahin hai

bhale hi aasman hai rahbar tu

KHuda ke samne kuchh bhi nahin hai

jahan ne chand tare chhu liye hain

paheli zist ki samjhi nahin hai

sataya is qadar hum ko jahan ne

kisi ki baat ab chubhti nahin hai

uTha lun sang hathon mein kahin na

zaban KHamosh hai par si nahin hai

mera 'aib-o-hunar kuchh bhi samajh lo

zara bhi lahze mein talKHi nahin hai

wo kahte dil lagao par 'dharam' ne

abhi to zindagi dekhi nahin hai