hamari jit yahi thi ki KHud se haar aae

hamārī jiit yahī thī ki ḳhud se haar aa.e

kisī ke ham pe ka.ī qarz the utaar aa.e

tumhārī yaad bhī hai bāz-gasht kī āvāz

jo ek baar pukāro to baar baar aa.e

har ek moḌ pe jaise vo muḌ ke dekhtā ho

nazar kuchh aise manāzir pas-e-ġhār aa.e

na jaane kaun se lamhoñ kī laġhzishoñ ke sabab

hamārī raah meñ sadiyoñ ke kohsār aa.e

kamāl kar diyā ham ne ki aarzū ke baġhair

kisī tarah se jiye zindagī guzār aa.e

hamari jit yahi thi ki KHud se haar aae

kisi ke hum pe kai qarz the utar aae

tumhaari yaad bhi hai baz-gasht ki aawaz

jo ek bar pukaro to bar bar aae

har ek moD pe jaise wo muD ke dekhta ho

nazar kuchh aise manazir pas-e-ghaar aae

na jaane kaun se lamhon ki laghzishon ke sabab

hamari rah mein sadiyon ke kohsar aae

kamal kar diya hum ne ki aarzu ke baghair

kisi tarah se jiye zindagi guzar aae