hamari samt hain sare Dhalaw
hamārī samt haiñ saare Dhalāv
paḌā har sail kā ham par dabāv
mile haiñ sāda-lauhī kī sazā meñ
luTere nāḳhudā kāġhaz kī naav
vahāñ bhī vahshateñ tanhā.iyāñ haiñ
zarā sahrā se vāpas ghar to jaao
na jaane kab ye aag aa jaa.e bāhar
ki sīnoñ meñ dahakte haiñ alaav
havā kā jis taraf ruḳh ho gayā hai
usī jānib hai shāḳhoñ kā jhukāo
zamīñ kyā āsmāñ bhī muntazir hai
hisār-e-zāt se bāhar to aao
kaheñge log 'ahsan' tum ko pāgal
mohabbat hai to ye tohmat uThāo
hamari samt hain sare Dhalaw
paDa har sail ka hum par dabaw
mile hain sada-lauhi ki saza mein
luTere naKHuda kaghaz ki naw
wahan bhi wahshaten tanhaiyan hain
zara sahra se wapas ghar to jao
na jaane kab ye aag aa jae bahar
ki sinon mein dahakte hain alaw
hawa ka jis taraf ruKH ho gaya hai
usi jaanib hai shaKHon ka jhukao
zamin kya aasman bhi muntazir hai
hisar-e-zat se bahar to aao
kahenge log 'ahsan' tum ko pagal
mohabbat hai to ye tohmat uThao
- Book : siip (Magzin) (Pg. 232)
- Author : Nasiim Durraani
- Publication : Fikr-e-Nau (39 (Quarterly))
- Edition : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
