hamein hasin bahut lag rahe ho pyare tum

hameñ hasīn bahut lag rahe ho pyāre tum

ḳhudā kare ki bano ham-safar hamāre tum

kabhī jo vaqt burā zindagī meñ aa jaa.e

rahūñ sahāre tumhāre mire sahāre tum

yahī du'ā hai mire dost 'umr-e-rafta meñ

ḳhudā kare na uThāo kabhī ḳhasāre tum

hue ho barf ke mānind aaj kyoñ bolo

isī jahāñ meñ rahe ho kabhī sharāre tum

phabeñge kaise batāo hamāre hujre meñ

falak se toḌ ke laa.e ho jo sitāre tum

gayā ye vaqt to phir lauT ke na aa.egā

samajh bhī jaao miyāñ vaqt ke ishāre tum

miyāñ satā.e na tā-'umr tum ko nākāmī

karo na kaam koī 'tāj' bin vichāre tum

hamein hasin bahut lag rahe ho pyare tum

KHuda kare ki bano ham-safar hamare tum

kabhi jo waqt bura zindagi mein aa jae

rahun sahaare tumhaare mere sahaare tum

yahi du'a hai mere dost 'umr-e-rafta mein

KHuda kare na uThao kabhi KHasare tum

hue ho barf ke manind aaj kyon bolo

isi jahan mein rahe ho kabhi sharare tum

phabenge kaise batao hamare hujre mein

falak se toD ke lae ho jo sitare tum

gaya ye waqt to phir lauT ke na aaega

samajh bhi jao miyan waqt ke ishaare tum

miyan satae na ta-'umr tum ko nakaami

karo na kaam koi 'taj' bin wichaare tum