ہمیں لگتا ہے دن سب لوگ جس کو رات کہتے ہیں

ہمیں لگتا ہے دن سب لوگ جس کو رات کہتے ہیں

کوئی مانے نہ مانے ہم تو اپنی بات کہتے ہیں

کہاں جلوہ نہیں اس کا کہاں چرچا نہیں اس کا

وہ بس اک نور ہے بندے خدا کی ذات کہتے ہیں

جہاں ناکام ہو کے اپنی رہ جاتی ہیں تدبیریں

انہیں بگڑی ہوئی تقدیر کے حالات کہتے ہیں

جمال یار پر مٹتا ہے کوئی حسن فطرت پر

اسی ذوق عمل کو نسبت اوقات کہتے ہیں

ملا کیا کیا نہ ان سے ہم کو اے عالمؔ محبت میں

ستم ڈھایا کریں وہ ہم تو احسانات کہتے ہیں