hamein umr-bhar ishq karna na aaya

hameñ 'umr-bhar 'ishq karnā na aayā

kisī kī adāoñ pe marnā na aayā

kaTā aa.e sar hī tumhārī galī meñ

kabhī sar jhukā kar guzarnā na aayā

tumhārī tarah ham kabhī ho na paa.e

hameñ baat kar ke mukarnā na aayā

muqaddar ko ham ne kabhī kuchh na samjhā

muqaddar se takrār karnā na aayā

hameñ tez chalne kī 'ādat nahīñ thī

zarā der tum ko Thaharnā na aayā

maiñ ḳhushbū huuñ lekin guloñ meñ huuñ pinhāñ

havāoñ meñ mujh ko bikharnā na aayā

huā shauq ham ko bigaḌne kā 'shā.eq'

bigaḌ to ga.e phir sañvarnā na aayā

hamein 'umr-bhar 'ishq karna na aaya

kisi ki adaon pe marna na aaya

kaTa aae sar hi tumhaari gali mein

kabhi sar jhuka kar guzarna na aaya

tumhaari tarah hum kabhi ho na pae

hamein baat kar ke mukarna na aaya

muqaddar ko hum ne kabhi kuchh na samjha

muqaddar se takrar karna na aaya

hamein tez chalne ki 'adat nahin thi

zara der tum ko Thaharna na aaya

main KHushbu hun lekin gulon mein hun pinhan

hawaon mein mujh ko bikharna na aaya

hua shauq hum ko bigaDne ka 'shaeq'

bigaD to gae phir sanwarna na aaya