hamesha insaniyat ka dushman raha raqabat ka taziyana

hamesha insāniyat kā dushman rahā raqābat kā tāziyāna

jidhar havā sāzgār dekhī uThā udhar chal paḌā zamāna

diloñ kī hālat ḳhudā hī jaane kalām lekin hai muḳhlisāna

nazar kā har fe'l mushfiqāna zabān kī bāteñ mukrimāna

tumhārī nazreñ harīs nazreñ ba-zo'm-e-zar chheḌ kar rahī haiñ

magar hamāre bhī sabr-e-paiham ko bhuul saktā nahīñ zamāna

ḳhudā ko maano hameñ na chheḌo nazar na Daalo hamāre dil par

na jam sakā hai na jam sakegā kabhī jo qabza ho ġhāsibāna

tumhārī bāteñ 'ajīb bāteñ na sar hī sālim na pair qaa.em

na ‘ālimāna na ‘āqilāna na ‘ārifāna na shā’irāna

huzūr hālāt mushtaba haiñ mañDhe chaḌhegī ye bel kyūñkar

hamāre iqdām dostāna tumhārī fitrat muḳhālifāna

hamesha insaniyat ka dushman raha raqabat ka taziyana

jidhar hawa sazgar dekhi uTha udhar chal paDa zamana

dilon ki haalat KHuda hi jaane kalam lekin hai muKHlisana

nazar ka har fe'l mushfiqana zaban ki baaten mukrimana

tumhaari nazren haris nazren ba-zo'm-e-zar chheD kar rahi hain

magar hamare bhi sabr-e-paiham ko bhul sakta nahin zamana

KHuda ko mano hamein na chheDo nazar na Dalo hamare dil par

na jam saka hai na jam sakega kabhi jo qabza ho ghasibana

tumhaari baaten 'ajib baaten na sar hi salim na pair qaem

na ‘alimana na ‘aqilana na ‘arifana na sha’irana

huzur haalat mushtaba hain manDhe chaDhegi ye bel kyunkar

hamare iqdam dostana tumhaari fitrat muKHalifana