hamin khoe gae jab un ko paya

hamīñ kho.e ga.e jab un ko paayā

husūl-e-mudda’ā kis kaam aaya

samāyā phir nigāhoñ meñ na koī

nigāhoñ meñ koī aisā samāyā

hameñ us din ḳhud apnī yaad aa.ī

hameñ jis roz koī yaad aaya

tirī dhun meñ kuchh aise kho ga.e haiñ

ḳhayāl-e-zindagī barsoñ na aaya

nazar us ā.ina-rū par tasadduq

nazar aa kar hameñ ham se milāyā

du'ā kaam aa ga.ī bahr-e-alam meñ

ḳhudā ne nā-ḳhudāoñ se bachāyā

'rishī' bikhrā udhar shīrāza-e-gul

idhar nādān ġhuncha muskurāyā

hamin khoe gae jab un ko paya

husul-e-mudda’a kis kaam aaya

samaya phir nigahon mein na koi

nigahon mein koi aisa samaya

hamein us din KHud apni yaad aai

hamein jis roz koi yaad aaya

teri dhun mein kuchh aise kho gae hain

KHayal-e-zindagi barson na aaya

nazar us aaina-ru par tasadduq

nazar aa kar hamein hum se milaya

du'a kaam aa gai bahr-e-alam mein

KHuda ne na-KHudaon se bachaya

'rishi' bikhra udhar shiraaza-e-gul

idhar nadan ghuncha muskuraya