hansa tha do-ghaDi barson magar aansu bahaya tha

hañsā thā do-ghaḌī barsoñ magar aañsū bahāyā thā

maiñ jab chhoTā thā ik laḌkī se maiñ ne dil lagāyā thā

mire pairoñ ke nīche kī zamīñ banjar thī kuchh itnī

sabā ne ek gul kitne zamāne meñ khilāyā thā

sulagtī dhuup meñ socho safar kaise kaTā hogā

mirī manzil thī kyā aur tum ne kyā rasta dikhāyā thā

mohabbat aag hai aisī jo paanī se nahīñ bujhtī

zamāne ne abas sho.ale ko muTThī meñ dabāyā thā

maiñ ḳhud mahsūs kartā huuñ ki ab āzād huuñ maiñ bhī

ki piñjrā khol kar maiñ ne parindoñ ko uḌāyā thā

mire hāthoñ pe sūkhe phuul kī kuchh pattiyāñ rakh kar

bichhaḌte vaqt us ne mujh ko siine se lagāyā thā

hansa tha do-ghaDi barson magar aansu bahaya tha

main jab chhoTa tha ek laDki se main ne dil lagaya tha

mere pairon ke niche ki zamin banjar thi kuchh itni

saba ne ek gul kitne zamane mein khilaya tha

sulagti dhup mein socho safar kaise kaTa hoga

meri manzil thi kya aur tum ne kya rasta dikhaya tha

mohabbat aag hai aisi jo pani se nahin bujhti

zamane ne abas shoale ko muTThi mein dabaya tha

main KHud mahsus karta hun ki ab aazad hun main bhi

ki pinjra khol kar main ne parindon ko uDaya tha

mere hathon pe sukhe phul ki kuchh pattiyan rakh kar

bichhaDte waqt us ne mujh ko sine se lagaya tha