hansti aankhen hansta chehra ek majbur bahana hai

hañstī āñkheñ hañstā chehra ik majbūr bahāna hai

chāñd meñ sach-much nuur kahāñ hai chāñd to ik vīrāna hai

naaz parastish ban jā.egā sabr zarā ai shorish-e-dil

ulfat kī dīvāna-garī se husn abhī begāna hai

mujh ko tanhā chhoḌne vaale tū na kahīñ tanhā rah jaa.e

jis par tujh ko naaz hai utnā us kā naam zamāna hai

tum se mujh ko shikva kyuuñ ho āḳhir baasī phūloñ ko

kaun gale kā haar banā.e kaun aisā dīvāna hai

ek nazar meñ duniyā bhar se ek nazar meñ kuchh bhī nahīñ

chāhat meñ andāz nazar hī chāhat kā paimāna hai

ḳhud tum ne āġhāz kiyā thā jis kā ek tabassum se

mahrūmī ke aañsū ban kar ḳhatm pe vo afsāna hai

yuuñ hai us kī bazm-e-tarab meñ ik dil ġham-dīda jaise

chāroñ jānib rañg-mahal haiñ beach meñ ik vīrāna hai

hansti aankhen hansta chehra ek majbur bahana hai

chand mein sach-much nur kahan hai chand to ek virana hai

naz parastish ban jaega sabr zara ai shorish-e-dil

ulfat ki diwana-gari se husn abhi begana hai

mujh ko tanha chhoDne wale tu na kahin tanha rah jae

jis par tujh ko naz hai utna us ka nam zamana hai

tum se mujh ko shikwa kyun ho aaKHir basi phulon ko

kaun gale ka haar banae kaun aisa diwana hai

ek nazar mein duniya bhar se ek nazar mein kuchh bhi nahin

chahat mein andaz nazar hi chahat ka paimana hai

KHud tum ne aaghaz kiya tha jis ka ek tabassum se

mahrumi ke aansu ban kar KHatm pe wo afsana hai

yun hai us ki bazm-e-tarab mein ek dil gham-dida jaise

chaaron jaanib rang-mahal hain beach mein ek virana hai