haq-paristan-e-jahan barsar-e-baatil Thahre

haq-paristān-e-jahāñ barsar-e-bātil Thahre

kis kī himmat hai ki us but ke muqābil Thahre

aap rahbar hī sahī phir bhī ye isrār hai kyoñ

aap kī samt-e-nazar jāda-e-manzil Thahre

ham agar naam leñ sāhil kā to gardan-zadanī

aap farmā deñ to girdāb bhī sāhil Thahre

kyā qayāmat hai ki vo log jo ḳhud bismil the

'adl-o-insāf kī mīzān meñ qābil Thahre

ham sazā-vār-e-karam the ki na the kaise kaheñ

saiñkaḌoñ ham meñ se tā'zīr ke qābil Thahre

saiñkaḌoñ ho ga.e gum vādī-e-gumnāmī meñ

sirf do-chār hī shā.ista-e-manzil Thahre

kaun jaane ki yahī 'soz' kī mā'sūm ġhazal

ek angāra pa.e ḳhirman-e-bātil Thahre

haq-paristan-e-jahan barsar-e-baatil Thahre

kis ki himmat hai ki us but ke muqabil Thahre

aap rahbar hi sahi phir bhi ye israr hai kyon

aap ki samt-e-nazar jada-e-manzil Thahre

hum agar nam len sahil ka to gardan-zadani

aap farma den to girdab bhi sahil Thahre

kya qayamat hai ki wo log jo KHud bismil the

'adl-o-insaf ki mizan mein qabil Thahre

hum saza-war-e-karam the ki na the kaise kahen

sainkaDon hum mein se ta'zir ke qabil Thahre

sainkaDon ho gae gum wadi-e-gumnami mein

sirf do-chaar hi shaista-e-manzil Thahre

kaun jaane ki yahi 'soz' ki ma'sum ghazal

ek angara pae KHirman-e-baatil Thahre