haq talab karte hue logon ko fariyaadi kahen

haq talab karte hue logoñ ko fariyādī kaheñ

gar ye āzādī hai kaise is ko āzādī kaheñ

chāñd ko shab-zād kah dene se kab puurī huī

baat puurī ho jo in sub.hoñ ko shab-zādī kaheñ

kitne dhoke-bāz haiñ lafz-o-bayāñ ke silsile

apnī qabreñ DhūñDtī lāshoñ ko ābādī kaheñ

duudh kī nahreñ banānā apne apne ghar talak

aur sitam ye bhī ki is jazbe ko farhādī kaheñ

āñdhiyoñ se laḌ rahe haiñ jang kuchh kāġhaz ke log

ham pe lāzim hai ki in logoñ ko faulādī kaheñ

sirf husn-o-'ishq ke dam se ye baaqī hai abhī

aa.iye duniyā ko husn-o-'ishq kī vaadī kaheñ

haq talab karte hue logon ko fariyaadi kahen

gar ye aazadi hai kaise is ko aazadi kahen

chand ko shab-zad kah dene se kab puri hui

baat puri ho jo in subhon ko shab-zadi kahen

kitne dhoke-baz hain lafz-o-bayan ke silsile

apni qabren DhunDti lashon ko aabaadi kahen

dudh ki nahren banana apne apne ghar talak

aur sitam ye bhi ki is jazbe ko farhadi kahen

aandhiyon se laD rahe hain jang kuchh kaghaz ke log

hum pe lazim hai ki in logon ko fauladi kahen

sirf husn-o-'ishq ke dam se ye baqi hai abhi

aaiye duniya ko husn-o-'ishq ki wadi kahen