haq ye hai qalb mein murshid ke jo ghar rakhte hain

haq ye hai qalb meñ murshid ke jo ghar rakhte haiñ

yār-e-harjā.ī ko apnā vahī kar rakhte haiñ

nazr ham kar chuke donoñ tumheñ ai hazrat-e-ishq

dosh par sar ko na pahlū meñ jigar rakhte haiñ

qatra kab rakkhe ḳhabar jabki fanā bahar meñ hai

be-ḳhabar haq se haiñ jo us kī ḳhabar rakhte haiñ

pī chuke jām-e-baqā haath se jo saaqī ke

kū-e-jānāñ meñ vahī apnā guzar rakhte haiñ

le uḌī bād-e-fanā jin ke ġhubār-e-tan ko

vo nishāñ rakhte haiñ apnā na asar rakhte haiñ

hai yaqīñ jin ko ki hai ek 'asad' phir to vo

zer rakhte haiñ kisī ko na zabar rakhte haiñ

haq ye hai qalb mein murshid ke jo ghar rakhte hain

yar-e-harjai ko apna wahi kar rakhte hain

nazr hum kar chuke donon tumhein ai hazrat-e-ishq

dosh par sar ko na pahlu mein jigar rakhte hain

qatra kab rakkhe KHabar jabki fana bahar mein hai

be-KHabar haq se hain jo us ki KHabar rakhte hain

pi chuke jam-e-baqa hath se jo saqi ke

ku-e-jaanan mein wahi apna guzar rakhte hain

le uDi baad-e-fana jin ke ghubar-e-tan ko

wo nishan rakhte hain apna na asar rakhte hain

hai yaqin jin ko ki hai ek 'asad' phir to wo

zer rakhte hain kisi ko na zabar rakhte hain