haqiqat zist ki samjha nahin hai
haqīqat ziist kī samjhā nahīñ hai
vo apne dasht se guzrā nahīñ hai
añdhere raqs karte haiñ musalsal
ki sūraj raat ko aatā nahīñ hai
karegā ḳhud-kushī hī ek din vo
sukūñ jis zehn ko miltā nahīñ hai
uThā.e ghūmtī hai zard patte
havā se aur kuchh chaltā nahīñ hai
na Duubo sham.a meñ parvāno tum, ye
dahaktī aag hai dariyā nahīñ hai
umañgoñ kī ka.ī nadiyāñ haiñ is meñ
samundar hai ye dil sahrā nahīñ hai
ye jo ātish-fishāñ hai mujh meñ 'sīmā'
dahaktā rahtā hai bujhtā nahīñ hai
haqiqat zist ki samjha nahin hai
wo apne dasht se guzra nahin hai
andhere raqs karte hain musalsal
ki suraj raat ko aata nahin hai
karega KHud-kushi hi ek din wo
sukun jis zehn ko milta nahin hai
uThae ghumti hai zard patte
hawa se aur kuchh chalta nahin hai
na Dubo shama mein parwano tum, ye
dahakti aag hai dariya nahin hai
umangon ki kai nadiyan hain is mein
samundar hai ye dil sahra nahin hai
ye jo aatish-fishan hai mujh mein 'sima'
dahakta rahta hai bujhta nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
