haqiqaten hain ye koi tasawwuraat nahin

haqīqateñ haiñ ye koī tasavvurāt nahīñ

jo tum abhī bhī na samjho to koī baat nahīñ

kuchh aise bhī haiñ jinheñ maut hī nahīñ aatī

aur ek ham haiñ jo barsoñ se bā-hayāt nahīñ

har ek shaḳhs ko haq hai yahāñ pe chalne kā

kisī ke baap kā ye farsh-e-kā.enāt nahīñ

sañbhal sañbhal ke chalo ai javānoñ is rah par

ye rāh-e-ishq hai is meñ kabhī najāt nahīñ

sipurd kar duuñ kisī ko bhī is ko kaise maiñ

amaañ ye dil hai hamārā koī zakāt nahīñ

sunā hai logoñ se us bevafā kī beTī meñ

ḳhudā kā shukr hai maañ kī koī sifāt nahīñ

vafā ke badle vafā kartī kyoñ nahīñ duniyā

ḳhudāyā kyoñ ye bhalā juzv-e-vājibāt nahīñ

tū sochtī hai mujhe ab bhī terī ḳhvāhish hai

nahīñ nahīñ mujhe ab koī ḳhvāhishāt nahīñ

'suhail' jānvaroñ kā hadaf faqat hai ġhizā

sunā hai un ke yahāñ koī zāt-pāt nahīñ

haqiqaten hain ye koi tasawwuraat nahin

jo tum abhi bhi na samjho to koi baat nahin

kuchh aise bhi hain jinhen maut hi nahin aati

aur ek hum hain jo barson se ba-hayat nahin

har ek shaKHs ko haq hai yahan pe chalne ka

kisi ke bap ka ye farsh-e-kaenat nahin

sanbhal sanbhal ke chalo ai jawanon is rah par

ye rah-e-ishq hai is mein kabhi najat nahin

sipurd kar dun kisi ko bhi is ko kaise main

aman ye dil hai hamara koi zakat nahin

suna hai logon se us bewafa ki beTi mein

KHuda ka shukr hai man ki koi sifat nahin

wafa ke badle wafa karti kyon nahin duniya

KHudaya kyon ye bhala juzw-e-wajibaat nahin

tu sochti hai mujhe ab bhi teri KHwahish hai

nahin nahin mujhe ab koi KHwahishat nahin

'suhail' jaanwaron ka hadaf faqat hai ghiza

suna hai un ke yahan koi zat-pat nahin