har aas toD ke jab hum subuk saba se hue

har aas toḌ ke jab ham subuk sabā se hue

nigāh-e-yār ke andāz āshnā se hue

tirī talab meñ ajab marhaloñ se guzre haiñ

kabhī to ḳhud se kabhī bad-gumāñ ḳhudā se hue

ye zo.am thā ki hamīñ se hai un kā nām-o-nishāñ

bichhaḌ ke un se hamīñ be-nishāñ havā se hue

laboñ pe shor-e-tabassum hai dil meñ sannāTā

hue do laḳht judā ham jo āshnā se hue

kafan urūs-e-ma.ānī kā jāma-e-alfāz

ḳhayāl jān-ba-lab tañgī-e-qabā se hue

har aas toD ke jab hum subuk saba se hue

nigah-e-yar ke andaz aashna se hue

teri talab mein ajab marhalon se guzre hain

kabhi to KHud se kabhi bad-guman KHuda se hue

ye zoam tha ki hamin se hai un ka nam-o-nishan

bichhaD ke un se hamin be-nishan hawa se hue

labon pe shor-e-tabassum hai dil mein sannaTa

hue do laKHt juda hum jo aashna se hue

kafan urus-e-maani ka jama-e-alfaz

KHayal jaan-ba-lab tangi-e-qaba se hue