har aks mein jis ka mujhe jalwa nazar aaya

har aks meñ jis kā mujhe jalva nazar aayā

vo ā.ina-ḳhāne meñ akelā nazar aaya

jab dhyān gayā apnī taraf ḳhud pe nazar kī

sahrā bhī hameñ ḳhaak kā zarra nazar aayā

thā mahv-e-safar apnī hī takmīl kī jānib

jo naqsh bhī dekhā vo adhūrā nazar aayā

ik roz achānak use dekhā thā safar meñ

phir duur talak dasht meñ dariyā nazar aayā

ab shahr meñ mālūm karūñ kis se ye 'zulfī'

vo mujh ko dikhā.ī na diyā yā nazar aayā

har aks mein jis ka mujhe jalwa nazar aaya

wo aaina-KHane mein akela nazar aaya

jab dhyan gaya apni taraf KHud pe nazar ki

sahra bhi hamein KHak ka zarra nazar aaya

tha mahw-e-safar apni hi takmil ki jaanib

jo naqsh bhi dekha wo adhura nazar aaya

ek roz achanak use dekha tha safar mein

phir dur talak dasht mein dariya nazar aaya

ab shahr mein malum karun kis se ye 'zulfi'

wo mujh ko dikhai na diya ya nazar aaya