har aqidat-mand tak ye baat pahunchae koi

har 'aqīdat-mañd tak ye baat pahuñchā.e koī

us ke hisse ke masā.il kaise suljhā.e koī

jannat-ul-firdaus ke chakkar meñ duniyā se jafā

is samajh ke pher se kaise ubar paa.e koī

piiTh pīchhe kaun kyā kahtā hai is ko chhoḌiye

hai agar himmat to mere sāmne aa.e koī

mulk jis meñ qābiliyyat kī koī 'izzat nahīñ

vishv-gurū kaise banegā ham ko samjhā.e koī

jo zabāñ maqbūl ho jaatī hai ḳhās-o-'ām meñ

kyā munāsib had kabhī is par lagā paa.e koī

ye hamārī qaum hī kyā asl qaum-e-lūt hai

varna maazī ko min-o-'an kaise dohrā.e koī

desh meñ achchhe dinoñ kā āgaman hogā tabhī

baat jo dil meñ hai us ko khul ke kah paa.e koī

har 'aqidat-mand tak ye baat pahunchae koi

us ke hisse ke masail kaise suljhae koi

jannat-ul-firdaus ke chakkar mein duniya se jafa

is samajh ke pher se kaise ubar pae koi

piTh pichhe kaun kya kahta hai is ko chhoDiye

hai agar himmat to mere samne aae koi

mulk jis mein qabiliyyat ki koi 'izzat nahin

wishw-guru kaise banega hum ko samjhae koi

jo zaban maqbul ho jati hai KHas-o-'am mein

kya munasib had kabhi is par laga pae koi

ye hamari qaum hi kya asl qaum-e-lut hai

warna mazi ko min-o-'an kaise dohrae koi

desh mein achchhe dinon ka aagaman hoga tabhi

baat jo dil mein hai us ko khul ke kah pae koi