har bar hamein dete hain paigham-e-mohabbat

har baar hameñ dete haiñ paiġhām-e-mohabbat

tum bhī to baḌhāo kabhī iqdām-e-mohabbat

ham hī se zamāne meñ mohabbat kā chalan hai

ham log nahīñ sochte anjām-e-mohabbat

duniyā kī kisī mai meñ use lutf na aaya

hoñToñ se lagā jis ke kabhī jām-e-mohabbat

har sub.h suhānī hai mohabbat ke nashe meñ

pur-lutf huā kartī hai har shām-e-mohabbat

har shaḳhs kī āñkhoñ se havas jhāñk rahī hai

duniyā se na miT jaa.e kahīñ nām-e-mohabbat

tum ban ke jo aa.e ho mohabbat ke taraf-dār

dekhā nahīñ hai kyā kabhī ālām-e-mohabbat

vo log mohabbat kā maza ḳhaak samajhte

chūmā hī jinhoñ ne na kabhī bām-e-mohabbat

har bar hamein dete hain paigham-e-mohabbat

tum bhi to baDhao kabhi iqdam-e-mohabbat

hum hi se zamane mein mohabbat ka chalan hai

hum log nahin sochte anjam-e-mohabbat

duniya ki kisi mai mein use lutf na aaya

honTon se laga jis ke kabhi jam-e-mohabbat

har subh suhani hai mohabbat ke nashe mein

pur-lutf hua karti hai har sham-e-mohabbat

har shaKHs ki aankhon se hawas jhank rahi hai

duniya se na miT jae kahin nam-e-mohabbat

tum ban ke jo aae ho mohabbat ke taraf-dar

dekha nahin hai kya kabhi aalam-e-mohabbat

wo log mohabbat ka maza KHak samajhte

chuma hi jinhon ne na kabhi baam-e-mohabbat