har buri baat nikali ya bhulai jae

har burī baat nikālī yā bhulā.ī jaa.e

zehn se jaa.e mire dil se burā.ī jaa.e

aañkh meñ vasl kī tasvīr banā.ī jaa.e

aap yuuñ ḳhvāb meñ aao ki judā.ī jaa.e

aap kī talḳh-bayānī se ghaTegā hī dam

baat se baat ziyāda na dabā.ī jaa.e

ye alag shor liye aa.ī huī hai ḳhud meñ

kis tarah raat kī tanhā.ī bitā.ī jaa.e

chāñd kī sardī ko āñkhoñ meñ basā kar goyā

apne siine meñ lagī aag bujhā.ī jaa.e

hijr vāloñ pe mohabbat kā hunar zāhir hai

is liye ham ko mohabbat na sikhā.ī jaa.e

har buri baat nikali ya bhulai jae

zehn se jae mere dil se burai jae

aankh mein wasl ki taswir banai jae

aap yun KHwab mein aao ki judai jae

aap ki talKH-bayani se ghaTega hi dam

baat se baat ziyaada na dabai jae

ye alag shor liye aai hui hai KHud mein

kis tarah raat ki tanhai bitai jae

chand ki sardi ko aankhon mein basa kar goya

apne sine mein lagi aag bujhai jae

hijr walon pe mohabbat ka hunar zahir hai

is liye hum ko mohabbat na sikhai jae