har chand amradon mein hai ek rah ka maza

har chand amradoñ meñ hai ik raah kā mazā

ġhair-az-nisā vale na milā chaah kā mazā

ḳhatre se us ke kar nahīñ saktā maiñ aah bhī

letā huuñ jī hī jī meñ sadā aah kā mazā

apnī to umr roz-e-siyah meñ guzar ga.ī

dekhā kabhī na ham ne shab-e-māh kā mazā

billāh kah ke us ne qasam khaa.ī thī kahīñ

vallāh bhūltā nahīñ billāh kā mazā

bose ke jo savāl pe us ne kahā thā vaah

ab tak phire hai dil meñ vahī vaah kā mazā

lazzat ko us ke samjheñ haiñ kyā sāhib-e-vara.a

koī pūchhe ahl-e-fisq se to baah kā mazā

kyā vo bhī din the ḳhuub ki lūTeñ the 'mus.hafī'

ham bhī nazāra-e-gah-o-be-gāh kā mazā

har chand amradon mein hai ek rah ka maza

ghair-az-nisa wale na mila chah ka maza

KHatre se us ke kar nahin sakta main aah bhi

leta hun ji hi ji mein sada aah ka maza

apni to umr roz-e-siyah mein guzar gai

dekha kabhi na hum ne shab-e-mah ka maza

billah kah ke us ne qasam khai thi kahin

wallah bhulta nahin billah ka maza

bose ke jo sawal pe us ne kaha tha wah

ab tak phire hai dil mein wahi wah ka maza

lazzat ko us ke samjhen hain kya sahib-e-wara

koi puchhe ahl-e-fisq se to bah ka maza

kya wo bhi din the KHub ki luTen the 'mushafi'

hum bhi nazara-e-gah-o-be-gah ka maza