har-chand dukh-dahi se zamane ko ishq hai

har-chand dukh-dahī se zamāne ko ishq hai

lekin mire bhī taab ke laane ko ishq hai

āshufta-sar haiñ yaañ dil-e-sad-chāk bhī ka.ī

tanhā na terī zulf se shāne ko ishq hai

aflāk baiThe jaa.eñ the jis bojh ke tale

aadam ke vaise baar uThāne ko ishq hai

vahshat ko apnī shahr o bayābāñ meñ jā nahīñ

aaqil ko ab duā o divāne ko ishq hai

yā-rab ban aa.ī aadmī mar jaa.e par na ho

vo rañj-e-bad-balā jo kahāne ko ishq hai

dil ko chhuTā vahīñ se phañsāyā to zulf meñ

ai ishq tere baat baḌhāne ko ishq hai

'qā.em' havas se go ki kahī sab ne ye ġhazal

lekin tire radīf biThāne ko ishq hai

har-chand dukh-dahi se zamane ko ishq hai

lekin mere bhi tab ke lane ko ishq hai

aashufta-sar hain yan dil-e-sad-chaak bhi kai

tanha na teri zulf se shane ko ishq hai

aflak baiThe jaen the jis bojh ke tale

aadam ke waise bar uThane ko ishq hai

wahshat ko apni shahr o bayaban mein ja nahin

aaqil ko ab dua o diwane ko ishq hai

ya-rab ban aai aadmi mar jae par na ho

wo ranj-e-bad-bala jo kahane ko ishq hai

dil ko chhuTa wahin se phansaya to zulf mein

ai ishq tere baat baDhane ko ishq hai

'qaem' hawas se go ki kahi sab ne ye ghazal

lekin tere radif biThane ko ishq hai