har-chand ki ab mujhse sitam uTh nahin sakta

har-chand ki ab mujh se sitam uTh nahīñ saktā

lekin tire kūche se qadam uTh nahīñ saktā

kyā zo.af ne sharminda kiyā sabr ke aage

furqat meñ jo ye bār-e-alam uTh nahīñ saktā

jo ka.aba meñ hai hai vahī but-ḳhāne meñ jalva

ik parda hai so shaiḳh-e-haram uTh nahīñ saktā

tū hove ḳhafā aur na dar se tire uTThūñ

sar hī tire qadmoñ kī qasam uTh nahīñ saktā

aalam meñ luTā.ī hai baḌī husn kī daulat

merī hī taraf dast-e-karam uTh nahīñ saktā

go pech to hai kūcha-e-dildār meñ yā rab

uTThā to qadam sū-e-iram uTh nahīñ saktā

'ārif' ko jo dekhā hai to chalne meñ havā hai

lekin tire kūche se qadam uTh nahīñ saktā

har-chand ki ab mujh se sitam uTh nahin sakta

lekin tere kuche se qadam uTh nahin sakta

kya zoaf ne sharminda kiya sabr ke aage

furqat mein jo ye bar-e-alam uTh nahin sakta

jo kaba mein hai hai wahi but-KHane mein jalwa

ek parda hai so shaiKH-e-haram uTh nahin sakta

tu howe KHafa aur na dar se tere uTThun

sar hi tere qadmon ki qasam uTh nahin sakta

aalam mein luTai hai baDi husn ki daulat

meri hi taraf dast-e-karam uTh nahin sakta

go pech to hai kucha-e-dildar mein ya rab

uTTha to qadam su-e-iram uTh nahin sakta

'arif' ko jo dekha hai to chalne mein hawa hai

lekin tere kuche se qadam uTh nahin sakta