har-chand ki inkar munasib bhi nahin tha

har-chand ki inkār munāsib bhī nahīñ thā

maiñ tamġha-e-tash.hīr kā tālib bhī nahīñ thā

harakat lab-o-abrū kī bhī rakhtā thā nazar meñ

āmāda-e-tasḳhīr-e-matālib bhī nahīñ thā

sarḳhail-e-tamanna thā jo aivān-e-talab meñ

us ko to kuchh ehsās-e-marātib bhī nahīñ thā

jis ghar meñ charāġhāñ thā ga.ī shaam vahāñ aaj

ik dāna-e-gandum pa.e-rātib bhī nahīñ thā

manzil bhī ajab thī maiñ guzartā thā jahāñ se

ham-rāh mire kal mirā qālib bhī nahīñ thā

har saañs meñ hone kā pata detā thā lekin

vo mere ḳhayālāt pe ġhālib bhī nahīñ thā

ḳhūñ-nāba-fishānī kā sabab zaat thī jis kī

merā bhī na thā dūsrī jānib bhī nahīñ thā

fāteh ke sipāhī mujhe kyoñ DhūñD rahe haiñ

maiñ to kabhī manzūr-e-musāhib bhī nahīñ thā

koī bhī na thā us ke sivā sāmne 'yāvar'

vo shaḳhs ki maiñ jis se muḳhātib bhī nahīñ thā

har-chand ki inkar munasib bhi nahin tha

main tamgha-e-tashhir ka talib bhi nahin tha

harakat lab-o-abru ki bhi rakhta tha nazar mein

aamada-e-tasKHir-e-matalib bhi nahin tha

sarKHail-e-tamanna tha jo aiwan-e-talab mein

us ko to kuchh ehsas-e-maraatib bhi nahin tha

jis ghar mein charaghan tha gai sham wahan aaj

ek dana-e-gandum pae-raatib bhi nahin tha

manzil bhi ajab thi main guzarta tha jahan se

ham-rah mere kal mera qalib bhi nahin tha

har sans mein hone ka pata deta tha lekin

wo mere KHayalat pe ghaalib bhi nahin tha

KHun-naba-fishani ka sabab zat thi jis ki

mera bhi na tha dusri jaanib bhi nahin tha

fateh ke sipahi mujhe kyon DhunD rahe hain

main to kabhi manzur-e-musahib bhi nahin tha

koi bhi na tha us ke siwa samne 'yawar'

wo shaKHs ki main jis se muKHatib bhi nahin tha