har-chand ki insaf ka KHwahan bhi wahi hai

har-chand ki insāf kā ḳhvāhāñ bhī vahī hai

qātil bhī vahī aur nigahbāñ bhī vahī hai

barbādī-e-gulshan kā jo sāmān banā thā

barbādī-e-gulshan pe pashemāñ bhī vahī hai

hai nisbat-e-naumīdī-e-tārīkī-e-shab jo

ik muzhda-e-ummīd-e-farozāñ bhī vahī hai

paanī meñ talātum bhī usī chāñd ke baa.is

aur apnī adā dekh ke hairāñ bhī vahī hai

tat.hīr-e-siyāsat kā bhī da.avā hai usī ko

tanqīd-e-hukūmat se gurezāñ bhī vahī hai

mushkil hai mafar vahshat-e-tanhā.ī se 'irfān'

jo qarya hai ābād bayābāñ bhī vahī hai

har-chand ki insaf ka KHwahan bhi wahi hai

qatil bhi wahi aur nigahban bhi wahi hai

barbaadi-e-gulshan ka jo saman bana tha

barbaadi-e-gulshan pe pasheman bhi wahi hai

hai nisbat-e-naumidi-e-tariki-e-shab jo

ek muzhda-e-ummid-e-farozan bhi wahi hai

pani mein talatum bhi usi chand ke bais

aur apni ada dekh ke hairan bhi wahi hai

tathir-e-siyasat ka bhi dawa hai usi ko

tanqid-e-hukumat se gurezan bhi wahi hai

mushkil hai mafar wahshat-e-tanhai se 'irfan'

jo qarya hai aabaad bayaban bhi wahi hai