har chand tere shahr ke ab kucha-gard hain

har chand tere shahr ke ab kūcha-gard haiñ

lekin is apne daur meñ ham log fard haiñ

samjhe nahīñ zabān ġhazāloñ kī aaj tak

ham bhī jo ek 'umr se sahrā-navard haiñ

guzre haiñ ham bhī pech-o-ḳham-e-rāh-e-zīst se

yā'nī ki ham bhī vāqif-e-har-garm-o-sard haiñ

kyā kyā haiñ iḳhtiyār-o-irāda kī tohmateñ

ham par bisāt-e-jabr kī jo ek nard haiñ

jis se gudāz-o-garm zamīr-e-vajūd hai

ham sīna-e-hayāt kī vo āh-e-sard haiñ

dekhā hai aaj ham ne bhī jā kar 'bashīr' ko

be-shak abhī zamāne meñ kuchh ahl-e-dard haiñ

har chand tere shahr ke ab kucha-gard hain

lekin is apne daur mein hum log fard hain

samjhe nahin zaban ghazalon ki aaj tak

hum bhi jo ek 'umr se sahra-naward hain

guzre hain hum bhi pech-o-KHam-e-rah-e-zist se

ya'ni ki hum bhi waqif-e-har-garm-o-sard hain

kya kya hain iKHtiyar-o-irada ki tohmaten

hum par bisat-e-jabr ki jo ek nard hain

jis se gudaz-o-garm zamir-e-wajud hai

hum sina-e-hayat ki wo aah-e-sard hain

dekha hai aaj hum ne bhi ja kar 'bashir' ko

be-shak abhi zamane mein kuchh ahl-e-dard hain