har chand usne KHugar-e-azar kar diya

har chand us ne ḳhūgar-e-āzār kar diyā

naġhmāt-e-zindagī ko to bedār kar diyā

ma.asūmiyat nigāh-e-karam kī sitam huī

ulfat kā e.atibār meñ iz.hār kar diyā

phir us kī yaad aa.ī liye gulsitān-e-shauq

phir aarzū ko tishna-e-dīdār kar diyā

us ne ba-yak-nigāh ḳharīde dil-o-jigar

hosh-o-ḳhirad ko nazr-e-ḳharīdār kar diyā

dil ganj-e-be-bahā sahī lekin tire liye

ham ne to sarf-e-raunaq-e-bāzār kar diyā

har jurm-e-ishq faḳhr hai mere liye magar

us kī nigāheñ dekh ke inkār kar diyā

hasrat bharī nazar vo kisī kī dam-e-vidā.a

marnā bhī mere vāste dushvār kar diyā

har chand us ne KHugar-e-azar kar diya

naghmat-e-zindagi ko to bedar kar diya

masumiyat nigah-e-karam ki sitam hui

ulfat ka eatibar mein izhaar kar diya

phir us ki yaad aai liye gulsitan-e-shauq

phir aarzu ko tishna-e-didar kar diya

us ne ba-yak-nigah KHaride dil-o-jigar

hosh-o-KHirad ko nazr-e-KHaridar kar diya

dil ganj-e-be-baha sahi lekin tere liye

hum ne to sarf-e-raunaq-e-bazar kar diya

har jurm-e-ishq faKHr hai mere liye magar

us ki nigahen dekh ke inkar kar diya

hasrat bhari nazar wo kisi ki dam-e-widaa

marna bhi mere waste dushwar kar diya