har ek baghban abas fikrmand hai

har ek bāġhbān 'abas fikrmand hai

bijlī ko sirf merā nasheman pasand hai

mere sukūt kā nahīñ samjhe vo raaz kyā

kyoñ hausla jafāoñ kā un kī buland hai

maiñ ne bhī fikr kī hai kab iz.hār-e-dard kī

kyā un ko ho ḳhabar ki koī dardmand hai

mere hī dam se mahfil-e-sāqī kā hai faroġh

mere hī vāste dar-e-mai-ḳhāna band hai

har ik qadam pe hausla-e-zabt-e-ġham baḌhā

merī vafā jafāoñ kī ehsānmand hai

kah deñ jo 'aql-mand to dīvāna jāniye

dīvāna jis ko vo kaheñ vo 'aql-mand hai

duniyā se be-niyāz guzartā huuñ maiñ magar

us kī nigāh mere junūñ ko kamand hai

faiz us ke husn kā hai 'ajab ye na pūchhiye

mahtāb mere qasr-e-tasavvur meñ band hai

'salmān' un se mil ke ye pūchheñge ham zarūr

kyā aap ko ye dil kā taḌapnā pasand hai

har ek baghban 'abas fikrmand hai

bijli ko sirf mera nasheman pasand hai

mere sukut ka nahin samjhe wo raaz kya

kyon hausla jafaon ka un ki buland hai

main ne bhi fikr ki hai kab izhaar-e-dard ki

kya un ko ho KHabar ki koi dardmand hai

mere hi dam se mahfil-e-saqi ka hai farogh

mere hi waste dar-e-mai-KHana band hai

har ek qadam pe hausla-e-zabt-e-gham baDha

meri wafa jafaon ki ehsanmand hai

kah den jo 'aql-mand to diwana jaaniye

diwana jis ko wo kahen wo 'aql-mand hai

duniya se be-niyaz guzarta hun main magar

us ki nigah mere junun ko kamand hai

faiz us ke husn ka hai 'ajab ye na puchhiye

mahtab mere qasr-e-tasawwur mein band hai

'salman' un se mil ke ye puchhenge hum zarur

kya aap ko ye dil ka taDapna pasand hai