har ek chehra yahan dard ki kitab lage

har ek chehra yahāñ dard kī kitāb lage

tumhārā shahr to ik shahr-e-iztirāb lage

ye kor-chashmī hai yā jalte sūrajoñ kā asar

koī bhī shakl na ab bint-e-māhtāb lage

na jaane kyoñ mirā lahja hai saḳht saḳht itnā

ki iltimās kā andāz bhī ‘itāb lage

ye bāñjh bāñjh se bādal ye ret ret zamīñ

babūl kī ye jagah hai kahāñ gulāb lage

har ek samt dhuāñ sā hai nā-umīdī kā

har ek manzil-e-ummīd ab sarāb lage

ye kis maqām pe le aa.ī āgahī mujh ko

na sang sang lage aur na aab aab lage

na vo hī vo hai na maiñ maiñ na tum hī tum badnām

sabhī ke chehre pe haiñ saikḌoñ naqāb lage

har ek chehra yahan dard ki kitab lage

tumhaara shahr to ek shahr-e-iztirab lage

ye kor-chashmi hai ya jalte surajon ka asar

koi bhi shakl na ab bint-e-mahtab lage

na jaane kyon mera lahja hai saKHt saKHt itna

ki iltimas ka andaz bhi ‘itab lage

ye banjh banjh se baadal ye ret ret zamin

babul ki ye jagah hai kahan gulab lage

har ek samt dhuan sa hai na-umidi ka

har ek manzil-e-ummid ab sarab lage

ye kis maqam pe le aai aagahi mujh ko

na sang sang lage aur na aab aab lage

na wo hi wo hai na main main na tum hi tum badnam

sabhi ke chehre pe hain saikDon naqab lage