har ek dard sanbhaala hai zindagani mein

har ek dard sañbhālā hai zindagānī meñ

jhalak rahā hai buḌhāpā tabhī javānī meñ

mujhe to dhuup se bhī is qadar na ḳhauf aaya

milā hai ḳhauf jo ab terī sā.ebānī meñ

kabhī piyā gayā us ko kabhī bahāyā gayā

koī bhī farq na thā ḳhuun aur paanī meñ

use nazar kī bhalā kaun sī kahūñ manzil

dikhā.ī dene lagā zard rang dhānī meñ

zabāñ-darāz to Thahre magar yahī sach thā

luTā hai shahr ye terī hī pāsbānī meñ

milā na qatra-e-āb-e-baqā samundar se

milī hai maut hameñ shahr-e-jāvedānī meñ

gañvā ke umr jise ham sañbhāl laa.e the

gañvā diyā use ik baat kī ravānī meñ

rukāvaTeñ haiñ ye raste kī ai 'ḳhizar' nādāñ

jinheñ tū manzileñ samjhā hai be-dhiyānī meñ

har ek dard sanbhaala hai zindagani mein

jhalak raha hai buDhapa tabhi jawani mein

mujhe to dhup se bhi is qadar na KHauf aaya

mila hai KHauf jo ab teri saebani mein

kabhi piya gaya us ko kabhi bahaya gaya

koi bhi farq na tha KHun aur pani mein

use nazar ki bhala kaun si kahun manzil

dikhai dene laga zard rang dhani mein

zaban-daraaz to Thahre magar yahi sach tha

luTa hai shahr ye teri hi pasbani mein

mila na qatra-e-ab-e-baqa samundar se

mili hai maut hamein shahr-e-jawedani mein

ganwa ke umr jise hum sanbhaal lae the

ganwa diya use ek baat ki rawani mein

rukawaTen hain ye raste ki ai 'KHizar' nadan

jinhen tu manzilen samjha hai be-dhiyani mein