har ek daur mein haq ke naqib hain hum log

har ek daur meñ haq ke naqīb haiñ ham log

qasam ḳhudā kī baḌe ḳhush-nasīb haiñ ham log

ye aur baat ham us ko rafīq samjhe the

ye aur baat vo samjhā raqīb haiñ ham log

zabān kaaT na le shab kā shahr-yār kahīñ

ḳhatā ye hai ki sahar ke ḳhatīb haiñ ham log

hamāre paas anā lā-zavāl daulat hai

samajh rahā hai zamāna ġharīb haiñ log

hamārā naam shahīdoñ kī saf meñ shāmil hai

farāz-e-dār se itne qarīb haiñ ham log

hamī haiñ sāhib-e-sajjāda-e-qalam 'nāzim'

adab se sar ko jhukāo adiib haiñ ham log

har ek daur mein haq ke naqib hain hum log

qasam KHuda ki baDe KHush-nasib hain hum log

ye aur baat hum us ko rafiq samjhe the

ye aur baat wo samjha raqib hain hum log

zaban kaT na le shab ka shahr-yar kahin

KHata ye hai ki sahar ke KHatib hain hum log

hamare pas ana la-zawal daulat hai

samajh raha hai zamana gharib hain log

hamara nam shahidon ki saf mein shamil hai

faraaz-e-dar se itne qarib hain hum log

hami hain sahib-e-sajjada-e-qalam 'nazim'

adab se sar ko jhukao adib hain hum log