har ek harf ko hum paemal karte rahe

har ek harf ko ham pā.emāl karte rahe

tamām 'umr tujhī se savāl karte rahe

abhī jo jān-e-rag-e-qalb par lagā hī nahīñ

us ek zaḳhm kā hī indimāl karte rahe

tamām 'umr hī saiqal kiyā hai ā.īna

tamām 'umr yahī ik kamāl karte rahe

jo khoTe sikkoñ pe andhā faqīr kartā hai

vo jashn ham sar-e-dasht-e-malāl karte rahe

unhīñ saroñ pe girī haiñ sabhī shahar kī chhateñ

jo jān-o-dil se unheñ mālā-māl karte rahe

guzārtī thī bahar-hāl qatl-gāhoñ meñ

sipar vafā ko mohabbat ko Dhaal karte rahe

jahāñ pahuñch nahīñ paa.e vahīñ nasheman thā

tamām 'umr ye baazū niDhāl karte rahe

har ek harf ko hum paemal karte rahe

tamam 'umr tujhi se sawal karte rahe

abhi jo jaan-e-rag-e-qalb par laga hi nahin

us ek zaKHm ka hi indimal karte rahe

tamam 'umr hi saiqal kiya hai aaina

tamam 'umr yahi ek kamal karte rahe

jo khoTe sikkon pe andha faqir karta hai

wo jashn hum sar-e-dasht-e-malal karte rahe

unhin saron pe giri hain sabhi shahar ki chhaten

jo jaan-o-dil se unhen mala-mal karte rahe

guzarti thi bahar-haal qatl-gahon mein

sipar wafa ko mohabbat ko Dhaal karte rahe

jahan pahunch nahin pae wahin nasheman tha

tamam 'umr ye bazu niDhaal karte rahe