har ek lamha-e-gham bahr-e-be-karan ki tarah

har ek lamha-e-ġham bahr-e-be-karāñ kī tarah

kisī kā dhyān hai aise meñ bādbāñ kī tarah

nasīm-e-sub.h ye kahtī hai kitnī hasrat se

koī to baaġh meñ mil jaa.e bāġhbāñ kī tarah

hai vo tapish tire palkoñ ke shāmiyāne meñ

ki ab to dhuup bhī lagtī hai sā.ebāñ kī tarah

har ek moḌ pe milte haiñ ham-ḳhayāl magar

kahīñ to koī mile mujh ko ham-zabāñ kī tarah

fareb-e-chashm hai yaaro ki ik haqīqat hai

samāñ jo shahr kā hai shahr ke samāñ kī tarah

havā-e-zīst ko aanā hai jab tak aa.egī

bahār ban ke kabhī to kabhī ḳhizāñ kī tarah

har ek lafz nikaltā hai misl-e-tīr-e-navā

zabān-e-yār hai 'arshad' kisī kamāñ kī tarah

har ek lamha-e-gham bahr-e-be-karan ki tarah

kisi ka dhyan hai aise mein baadban ki tarah

nasim-e-subh ye kahti hai kitni hasrat se

koi to bagh mein mil jae baghban ki tarah

hai wo tapish tere palkon ke shamiyane mein

ki ab to dhup bhi lagti hai saeban ki tarah

har ek moD pe milte hain ham-KHayal magar

kahin to koi mile mujh ko ham-zaban ki tarah

fareb-e-chashm hai yaro ki ek haqiqat hai

saman jo shahr ka hai shahr ke saman ki tarah

hawa-e-zist ko aana hai jab tak aaegi

bahaar ban ke kabhi to kabhi KHizan ki tarah

har ek lafz nikalta hai misl-e-tir-e-nawa

zaban-e-yar hai 'arshad' kisi kaman ki tarah