har ek lamha haqiqat bhi aur sapna bhi

har ek lamha haqīqat bhī aur sapnā bhī

baḌā ajiib hai ye zindagī se rishta bhī

guzar gayā vo saroñ se bhī aur ḳhabar na huī

agar vo abr-e-karam thā to phir barastā bhī

ye dekhnā hai ki anjām us kā kyā hogā

jo apne shahr kā qātil bhī thā masīhā bhī

qadam qadam pe milā hai hujūm chehroñ kā

har ek gaam pe har shaḳhs hai akelā bhī

tamām shahr ke patthar sameTne vaalā

kabhī kabhī thā sar-e-rah-guzar tamāsha bhī

sunā hai aisā bhī ik vaqt aane vaalā hai

hamāre saath na hogā hamārā saaya bhī

gilā kiyā na sarāboñ kā 'sāhira' ham ne

ki jaate dekh chuke haiñ qarīb dariyā bhī

har ek lamha haqiqat bhi aur sapna bhi

baDa ajib hai ye zindagi se rishta bhi

guzar gaya wo saron se bhi aur KHabar na hui

agar wo abr-e-karam tha to phir barasta bhi

ye dekhna hai ki anjam us ka kya hoga

jo apne shahr ka qatil bhi tha masiha bhi

qadam qadam pe mila hai hujum chehron ka

har ek gam pe har shaKHs hai akela bhi

tamam shahr ke patthar sameTne wala

kabhi kabhi tha sar-e-rah-guzar tamasha bhi

suna hai aisa bhi ek waqt aane wala hai

hamare sath na hoga hamara saya bhi

gila kiya na sarabon ka 'sahira' hum ne

ki jate dekh chuke hain qarib dariya bhi