har ek masarrat ko farda pe uTha rakkha

har ek masarrat ko fardā pe uThā rakkhā

yuuñ ham ne sadā qatl-e-imroz ravā rakkhā

jugnū the sitāre the kuchh ḳhvāb hamāre the

sab kuchh tumheñ de Daalā apne liye kyā rakkhā

dūkān mohabbat kī jis jis ne sajā.ī thī

gāhak na milā us ko sāmān rahā rakkhā

kyā ḳhuub ye mela hai har shaḳhs akelā hai

ik khelne vaale ne hai khel banā rakkhā

ye zindagī pahle bhī kuchh kam to na thī mushkil

aur is pe qadam rāh-e-ulfat meñ hai jā rakkhā

ye kaisī kahānī thī jo ham ne likhī apnī

āġhāz to achchhā thā anjām burā rakkhā

har ek masarrat ko farda pe uTha rakkha

yun hum ne sada qatl-e-imroz rawa rakkha

jugnu the sitare the kuchh KHwab hamare the

sab kuchh tumhein de Dala apne liye kya rakkha

dukan mohabbat ki jis jis ne sajai thi

gahak na mila us ko saman raha rakkha

kya KHub ye mela hai har shaKHs akela hai

ek khelne wale ne hai khel bana rakkha

ye zindagi pahle bhi kuchh kam to na thi mushkil

aur is pe qadam rah-e-ulfat mein hai ja rakkha

ye kaisi kahani thi jo hum ne likhi apni

aaghaz to achchha tha anjam bura rakkha