har ek ruKH se to dekhi nahin abhi duniya

har ek ruḳh se to dekhī nahīñ abhī duniyā

kahūñ maiñ kaise bhalī hai ki hai burī duniyā

na pūchh kaisā asar thā nigāh meñ us kī

nazar ke milte hī dil kī badal ga.ī duniyā

na fāsle na masāfat na dūriyāñ baaqī

bahut baḌī thī kabhī ab simaT ga.ī duniyā

hazāroñ baar ujaḌ kar bhī hai sajī sañvarī

bahut purānī hai lekin lage na.ī duniyā

ghire hue haiñ jo ġhurbat meñ un kī hai dozaḳh

hai ahl-e-zar kī nazar meñ harī bharī duniyā

diloñ meñ un ke bhī aksar havas usī kī hai

jo kahte rahte haiñ is ko girī paḌī duniyā

hameñ azal se abhī tak harā nahīñ paa.ī

'farāz' yuuñ to musalsal bahut laḌī duniyā

har ek ruKH se to dekhi nahin abhi duniya

kahun main kaise bhali hai ki hai buri duniya

na puchh kaisa asar tha nigah mein us ki

nazar ke milte hi dil ki badal gai duniya

na fasle na masafat na duriyan baqi

bahut baDi thi kabhi ab simaT gai duniya

hazaron bar ujaD kar bhi hai saji sanwari

bahut purani hai lekin lage nai duniya

ghire hue hain jo ghurbat mein un ki hai dozaKH

hai ahl-e-zar ki nazar mein hari bhari duniya

dilon mein un ke bhi aksar hawas usi ki hai

jo kahte rahte hain is ko giri paDi duniya

hamein azal se abhi tak hara nahin pai

'faraaz' yun to musalsal bahut laDi duniya