har ek sans pe yun TuTte bikharte hue

har ek saañs pe yuuñ TūTte bikharte hue

tamām 'umr guzārī hai 'ishq karte hue

abhī bhī yaad hai vo pal jab us ne pahlī baar

nazar milā.ī thī tasvīr se ubharte hue

tamām ruuh pe apne nishān chhoḌ gayā

na jaane kaun mirī zaat se guzarte hue

utar na paayā maiñ āñkhoñ se us ke hoñToñ tak

vo ḳhāmushī thī un āñkhoñ meñ baat karte hue

na rok paa.ī thī mujh ko siyāh-chashmī mirī

maiñ dekhtā rahā bachche ko rang bharte hue

har ik charāġh kī āñkhoñ meñ maiñ ne dekhā hai

zarā zarā sī kisī raushnī ko marte hue

har ek sans pe yun TuTte bikharte hue

tamam 'umr guzari hai 'ishq karte hue

abhi bhi yaad hai wo pal jab us ne pahli bar

nazar milai thi taswir se ubharte hue

tamam ruh pe apne nishan chhoD gaya

na jaane kaun meri zat se guzarte hue

utar na paya main aankhon se us ke honTon tak

wo KHamushi thi un aankhon mein baat karte hue

na rok pai thi mujh ko siyah-chashmi meri

main dekhta raha bachche ko rang bharte hue

har ek charagh ki aankhon mein main ne dekha hai

zara zara si kisi raushni ko marte hue