har ek shaKHs ki pagDi uchhaalne wala

har ek shaḳhs kī pagḌī uchhālne vaalā

zalīl hotā hai zillat meñ Dālne vaalā

use bhī vaqt ne buzdil banā diyā hai jo

thā baat baat pe ḳhanjar nikālne vaalā

kabhī to Dālegā us meñ ḳhushī kā TukḌā bhī

jahāñ ke ġham mirī jholī meñ Dālne vaalā

maiñ aa.ina huuñ mirī shaḳhsiyat hai ā.īna

ye soch le zarā kīchaḌ uchhālne vaalā

har ek lafz batātā hai kaifiyat dil kī

huuñ vārdāt ko sheroñ meñ Dhālne vaalā

zamāna laakh bhī chāhe girā nahīñ saktā

ḳhudā kā lutf hai mujh ko sambhālne vaalā

maiñ apnī bhuuk kā iz.hār kyoñ karūñ 'muḳhtār'

mujhe na bhūlegā duniyā ko pālne vaalā

har ek shaKHs ki pagDi uchhaalne wala

zalil hota hai zillat mein Dalne wala

use bhi waqt ne buzdil bana diya hai jo

tha baat baat pe KHanjar nikalne wala

kabhi to Dalega us mein KHushi ka TukDa bhi

jahan ke gham meri jholi mein Dalne wala

main aaina hun meri shaKHsiyat hai aaina

ye soch le zara kichaD uchhaalne wala

har ek lafz batata hai kaifiyat dil ki

hun wardat ko sheron mein Dhaalne wala

zamana lakh bhi chahe gira nahin sakta

KHuda ka lutf hai mujh ko sambhaalne wala

main apni bhuk ka izhaar kyon karun 'muKHtar'

mujhe na bhulega duniya ko palne wala