har ek wade pe un ke yaqin lae hain

har ek va.ade pe un ke yaqīn laa.e haiñ

baḌe ḳhulūs se ham ne fareb khaa.e haiñ

ġhamoñ ko dekhne vaale hamārā zarf bhī dekh

hujūm-e-ġham meñ bhī ham rah ke muskurā.e haiñ

uThā huuñ bazm se un kī to yuuñ huā mahsūs

ki jaise ḳhud vo mire saath saath aa.e haiñ

ho jaise qabze meñ donoñ jahāñ kā sarmāya

ham un ke dard-e-mohabbat ko yuuñ chhupā.e haiñ

sivā.e un ke mujhe kuchh nazar nahīñ aatā

kuchh is tarah vo nazar meñ mirī samā.e haiñ

faroġh-e-mahr-o-mah-o-anjum-o-gul-o-ġhuncha

jamāl-e-yār ke kitne hasīn saa.e haiñ

ham ek zarra-e-ḳhākī meñ phir bhī ai 'mūsā'

farāz-e-tūr se bijlī churā ke laa.e haiñ

har ek wade pe un ke yaqin lae hain

baDe KHulus se hum ne fareb khae hain

ghamon ko dekhne wale hamara zarf bhi dekh

hujum-e-gham mein bhi hum rah ke muskurae hain

uTha hun bazm se un ki to yun hua mahsus

ki jaise KHud wo mere sath sath aae hain

ho jaise qabze mein donon jahan ka sarmaya

hum un ke dard-e-mohabbat ko yun chhupae hain

siwae un ke mujhe kuchh nazar nahin aata

kuchh is tarah wo nazar mein meri samae hain

farogh-e-mahr-o-mah-o-anjum-o-gul-o-ghuncha

jamal-e-yar ke kitne hasin sae hain

hum ek zarra-e-KHaki mein phir bhi ai 'musa'

faraaz-e-tur se bijli chura ke lae hain