har gul hai sogwar mujhe kuchh pata nahin

har gul hai sogvār mujhe kuchh pata nahīñ

kyā kar ga.ī bahār mujhe kuchh pata nahīñ

de kar fareb aap ne luuTā hai kis qadar

pūchho na hāl-e-zār mujhe kuchh pata nahīñ

murjhā ga.e haiñ phuul nazāre udaas haiñ

kyūñkar luTī bahār mujhe kuchh pata nahīñ

khāyā to hai hasīn sā ik zaḳhm dil pe aaj

kis ne kiyā hai vaar mujhe kuchh pata nahīñ

sehn-e-chaman meñ khil ga.ī jaise kalī kalī

dil kyoñ hai dāġh-dār mujhe kuchh pata nahīñ

hai dostoñ kī baat magar kuchh na pūchhiye

kitne haiñ ġham-gusār mujhe kuchh pata nahīñ

mub.ham sā ek ḳhāka-e-rangīñ nazar meñ hai

kis kā hai intizār mujhe kuchh pata nahīñ

'nayyar' jahāñ meñ vaqf haiñ kyoñ mere vāste

āfāt-e-rozgār mujhe kuchh pata nahīñ

har gul hai sogwar mujhe kuchh pata nahin

kya kar gai bahaar mujhe kuchh pata nahin

de kar fareb aap ne luTa hai kis qadar

puchho na haal-e-zar mujhe kuchh pata nahin

murjha gae hain phul nazare udas hain

kyunkar luTi bahaar mujhe kuchh pata nahin

khaya to hai hasin sa ek zaKHm dil pe aaj

kis ne kiya hai war mujhe kuchh pata nahin

sehn-e-chaman mein khil gai jaise kali kali

dil kyon hai dagh-dar mujhe kuchh pata nahin

hai doston ki baat magar kuchh na puchhiye

kitne hain gham-gusar mujhe kuchh pata nahin

mubham sa ek KHaka-e-rangin nazar mein hai

kis ka hai intizar mujhe kuchh pata nahin

'nayyar' jahan mein waqf hain kyon mere waste

aafat-e-rozgar mujhe kuchh pata nahin