har ek mahaul se beganagi mahsus hoti hai

har ik māhaul se begānagī mahsūs hotī hai

kahīñ apnī kahīñ terī kamī mahsūs hotī hai

abhī se kyuuñ judā.ī kī aziyyat kā kareñ shikva

abhī dil meñ tirī maujūdgī mahsūs hotī hai

mohabbat kā karishma koī dekhe tere kūche meñ

khule bandoñ yahāñ luT kar ḳhushī mahsūs hotī hai

tire irshād-e-be-āvāz ko jab dil se suntā huuñ

ḳhamoshī guftugū kartī huī mahsūs hotī hai

tasallut hai abhī josh-e-junūñ par hosh-mandī kā

abhī dīvāngī dīvāngī mahsūs hotī hai

unheñ pā kar bhī rahtā hai tajassus kā vahī aalam

koī shai jis tarah khoī huī mahsūs hotī hai

talāsh apnī hai yā un kī kuchh andāza nahīñ hotā

basā-auqāt yuuñ āvārgī mahsūs hotī hai

tirī nazroñ kā nashtar to ba-rū-e-kār hai lekin

mohabbat kī ḳhalish meñ kyuuñ kamī mahsūs hotī hai

ye maanā ajnabiyyat kī fazā hai bazm-e-ālam meñ

magar har shakl pahchānī huī mahsūs hotī hai

kisī ko dekh kar yārab ye ab kyā dekhtā huuñ maiñ

nazar anvār meñ khoī huī mahsūs hotī hai

nahīñ hote to hotī haiñ 'rishī' tārīkiyāñ dil meñ

vo hote haiñ to dil meñ raushnī mahsūs hotī hai

har ek mahaul se beganagi mahsus hoti hai

kahin apni kahin teri kami mahsus hoti hai

abhi se kyun judai ki aziyyat ka karen shikwa

abhi dil mein teri maujudgi mahsus hoti hai

mohabbat ka karishma koi dekhe tere kuche mein

khule bandon yahan luT kar KHushi mahsus hoti hai

tere irshad-e-be-awaz ko jab dil se sunta hun

KHamoshi guftugu karti hui mahsus hoti hai

tasallut hai abhi josh-e-junun par hosh-mandi ka

abhi diwangi diwangi mahsus hoti hai

unhen pa kar bhi rahta hai tajassus ka wahi aalam

koi shai jis tarah khoi hui mahsus hoti hai

talash apni hai ya un ki kuchh andaza nahin hota

basa-auqat yun aawargi mahsus hoti hai

teri nazron ka nashtar to ba-ru-e-kar hai lekin

mohabbat ki KHalish mein kyun kami mahsus hoti hai

ye mana ajnabiyyat ki faza hai bazm-e-alam mein

magar har shakl pahchani hui mahsus hoti hai

kisi ko dekh kar yarab ye ab kya dekhta hun main

nazar anwar mein khoi hui mahsus hoti hai

nahin hote to hoti hain 'rishi' tarikiyan dil mein

wo hote hain to dil mein raushni mahsus hoti hai