har ek nazar ko teri or pher rakkha hai

har ik nazar ko tirī or pher rakkhā hai

tirī hañsī ne sabhī kuchh bikher rakkhā hai

maiñ terī yaad dilātā huuñ is tarah ḳhud ko

kī dil ko terī hī yādoñ se sair rakkhā hai

hamāre naam kabhī tum ne bhī likhe hoñge

kaho kahāñ pe ḳhatoñ kā vo Dher rakkhā hai

kahā gayā thā ki ghar jaao achchhe logoñ se

so maiñ ne ḳhud ko ḳhudī se hī gher rakkhā hai

jise kamāne meñ ārām chāhte haiñ sabhī

vo taḳht-o-tāj to mehnat ke zer rakkhā hai

har ek nazar ko teri or pher rakkha hai

teri hansi ne sabhi kuchh bikher rakkha hai

main teri yaad dilata hun is tarah KHud ko

ki dil ko teri hi yaadon se sair rakkha hai

hamare nam kabhi tum ne bhi likhe honge

kaho kahan pe KHaton ka wo Dher rakkha hai

kaha gaya tha ki ghar jao achchhe logon se

so main ne KHud ko KHudi se hi gher rakkha hai

jise kamane mein aaram chahte hain sabhi

wo taKHt-o-taj to mehnat ke zer rakkha hai