har ek qadam pe jo pursan-e-haal chahiye tha

har ik qadam pe jo pursān-e-hāl chāhiye thā

to phir use bhī hamārā ḳhayāl chāhiye thā

vo rishte-nātoñ ko rasman nibhāne aayā thā

hameñ diloñ kā ta.alluq bahāl chāhiye thā

bulandiyoñ pe tavāzun na rah sakā qaa.em

yahāñ uruuj ko thoḌā zavāl chāhiye thā

ġhazal to aap se le letī paḌh bhī detī magar

mujhe adab meñ bhī rizq-e-halāl chāhiye thā

kamāl par hai ye ehsās in dinoñ 'nusrat'

koī hameñ bhī yahāñ bā-kamāl chāhiye thā

har ek qadam pe jo pursan-e-haal chahiye tha

to phir use bhi hamara KHayal chahiye tha

wo rishte-naton ko rasman nibhane aaya tha

hamein dilon ka talluq bahaal chahiye tha

bulandiyon pe tawazun na rah saka qaem

yahan uruj ko thoDa zawal chahiye tha

ghazal to aap se le leti paDh bhi deti magar

mujhe adab mein bhi rizq-e-halal chahiye tha

kamal par hai ye ehsas in dinon 'nusrat'

koi hamein bhi yahan ba-kamal chahiye tha