har inqalab ki surKHi unhin ke afsane

har inqalāb kī surḳhī unhīñ ke afsāne

hayāt-e-dahr kā hāsil haiñ chand dīvāne

ḳhuda-e-har-do-jahāñ ḳhuub hai tirī taqsīm

zamīñ pe dair-o-haram aur falak pe maiḳhāne

hamārī jā bhī kahīñ hai ḳhudā-e-dair-o-haram

haram meñ ġhair haiñ aur but-kade meñ begāne

na pūchh daur-e-haqīqat kī saḳhtiyoñ ko na pūchh

taras ga.e lab-e-afsāna-go ko afsāne

ye jabr zīst-e-mohabbat pe kab talak āḳhir

ki dil salām kareñ aur nazar na pahchāne

alag alag se ufuq par haiñ chhoTe chhoTe ġhubār

ye kārvāñ ko mire kyā huā ḳhudā jaane

nizām-e-maikada saaqī chalegā yuuñ kab tak

chhalak rahe haiñ subū aur tahī haiñ paimāne

har inqalab ki surKHi unhin ke afsane

hayat-e-dahr ka hasil hain chand diwane

KHuda-e-har-do-jahan KHub hai teri taqsim

zamin pe dair-o-haram aur falak pe maiKHane

hamari ja bhi kahin hai KHuda-e-dair-o-haram

haram mein ghair hain aur but-kade mein begane

na puchh daur-e-haqiqat ki saKHtiyon ko na puchh

taras gae lab-e-afsana-go ko afsane

ye jabr zist-e-mohabbat pe kab talak aaKHir

ki dil salam karen aur nazar na pahchane

alag alag se ufuq par hain chhoTe chhoTe ghubar

ye karwan ko mere kya hua KHuda jaane

nizam-e-maikada saqi chalega yun kab tak

chhalak rahe hain subu aur tahi hain paimane