har kali KHun mein nahai hai

har kalī ḳhuun meñ nahā.ī hai

kaise samjhūñ bahār aa.ī hai

bāl-o-par ho chuke haiñ nazr-e-qafas

ye rihā.ī koī rihā.ī hai

tere ġham ko lagā ke siine se

merī taqdīr muskurā.ī hai

bazm raushan hai aap ke dam se

aap ne sham.a kyoñ jalā.ī hai

terī halkī sī muskurāhaT se

mahfil-e-zīst jagmagā.ī hai

kyā batā.eñge tere dīvāne

kyā burā.ī hai kyā bhalā.ī hai

jab bhī uTThā naqāb-e-husn 'zamīr'

mahfil-e-ishq jagmagā.ī hai

aaj tū ne 'zamīr'-e-ḳhud-āgāh

kitnī achchhī ġhazal sunā.ī hai

har kali KHun mein nahai hai

kaise samjhun bahaar aai hai

baal-o-par ho chuke hain nazr-e-qafas

ye rihai koi rihai hai

tere gham ko laga ke sine se

meri taqdir muskurai hai

bazm raushan hai aap ke dam se

aap ne shama kyon jalai hai

teri halki si muskurahaT se

mahfil-e-zist jagmagai hai

kya bataenge tere diwane

kya burai hai kya bhalai hai

jab bhi uTTha naqab-e-husn 'zamir'

mahfil-e-ishq jagmagai hai

aaj tu ne 'zamir'-e-KHud-agah

kitni achchhi ghazal sunai hai