har kisi aankh ka badla hua manzar hoga
har kisī aañkh kā badla huā manzar hogā
shahr-dar-shahr masīhāoñ kā lashkar hogā
ā.ina-rū hai agar dil to hifāzat kiije
kis ko ma.alūm hai kis haath meñ patthar hogā
le ke paiġhām-e-ḳhizāñ aayā hai mere dar pe
vo jo kahtā thā ki āñgan meñ sanobar hogā
phir siyāsat kī mahak aane lagī hai mujh ko
jaane ab kaun mire shahr meñ be-ghar hogā
chhū ke dekho to sahī us meñ namī baaqī hai
ye jo sahrā hai kisī vaqt samundar hogā
har kisi aankh ka badla hua manzar hoga
shahr-dar-shahr masihaon ka lashkar hoga
aaina-ru hai agar dil to hifazat kije
kis ko malum hai kis hath mein patthar hoga
le ke paigham-e-KHizan aaya hai mere dar pe
wo jo kahta tha ki aangan mein sanobar hoga
phir siyasat ki mahak aane lagi hai mujh ko
jaane ab kaun mere shahr mein be-ghar hoga
chhu ke dekho to sahi us mein nami baqi hai
ye jo sahra hai kisi waqt samundar hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
